الماسنجر..

السلااااااام عليكم ورحمة الله وبركاته




ياللي نشدتيني ورى خاطري شين
~ وش لك بتقليب الهموم الدفينه


لو الجبال الصم تسمعني الحين ~
يمكن تصدع من بكاي وونينه


انا ضحية عام تسعه وتــسعين
~ أنـــا ضحية عولــمه يا فـــطينه


بــداية الــقصه قبل خمسة ســنين ~
يومي دخلت النت وأحكم كمينه


قـــلـت اتــسلى كلها يوم يومين ~
أشبع فضول "يسـبق الجيم سينه "


بـــديـتها يعني ثقافه وتحصين ~
وأنهيتها وسط " الماسينجر" سجينه


هــذا يــكلمني عن الرمــش والـعين
~ وهذا يقول انه شراع السفينه


وهــذا يـقـول الـحب يا شــاطره زين
~ وهذا يجيني وسط نغمه حزينه


عــادي . ولكن شخص واحد من الفين
~ كنت اعتبر نفسي لنفسه رهينه


يــرفــع شــعارات الــقـناعات للدين ~
يلبس رداء من الرضا والسكينه


لــــــه فـلـسلفه تقنع محاكيه باللين
~ أقنع اذا قال الصحاري مدينه !!!


كنت ألمسه غيمه وأشمه رياحين
~ كنت اسمعه صوت الأذان وحنينه


أشــوفه ركــــوع الطهارى المصلين
~ أتذوقه "رقيا" الشيوخ الثمينه


لـــكن ونــفس الشخص هذا بعد حين
~ من التفاهه صرت لعبة يدينه


شــــاطر لــعبها صح وأستاهل البين
~ كنت الغبيه التافهه والمستهينه


هـــذا نتـــــاج الى نصب بالـــسكاكين
~ يسيل دمه من مضارب يمينه


شـــوفـيني وعــــمري وصــل للثلاثين ~
~ حيه واحس اني بقبري دفينه


هــــــذا الــماسـنجر وش بعد منه ترجين
~ شيليه قبل انه يطالب بدينه


أخاف من يوم يجي خاطرك شين
~ وأصير أحرك بك مشاعر حزينه





مما راق لى